Шілденің 8-9-ы күндері Астанадағы «Қазақстан» орталық концерт залында «Ел, Елбасы, Астана» деген атпен ақындар айтысы өтті. Айтыстың алғашқы күні 10 жұп (20 ақын) сөз сайыстырды.
Сахнаға соңғы жұп болып шыққан Оңтүстік Қазақстан облысының айтыскері Нұрлан Есенқұлов пен алматылық Сара Тоқтамысова «Астананың көркі» туралы көп айтты.
– Астана айтарлықтай құлпырыпты.
Талай жан бір көруге ынтығыпты.
«Конгрес холл» және де «Қазақстан»
Сарайына таусылмас жыр тұныпты, – деді айтысты бастаған Нұрлан Есенқұлов.
Сара Тоқтамысова. Астана 8 шілде, 2013 жыл.
Ал Сара Тоқтамысова «тәуелсіздік алғалы талай іс бастан өткенін» айта келе:
– Ас-суын ішіп отырып,
Аяғымызды да тепкен бар.
Несібесін халықтың,
Сапырып та кеткен бар.
Белгісіз себептерменен,
Атылып та кеткен бар, – деді
