Үш жылдан аса абақтыда отырған белсенді Кенжебек Әбішевтің абақтыдан ерте босап шығуына Алматы облысының прокуратурасы қарсы болды. Ақпанның басында Қапшағай соты оның түрме жазасын шартты жазаға ауыстырған еді. Бірақ прокуратура оны босатуға болмайды деген. Бір назар аударатыны – прокуратура қарсылығы 12 ақпанда түскен. Ал оның алдында бір күн бұрын ғана Еуропарламент Қазақстандағы адам құқығы туралы қарар қабылдап, Нұр-Сұлтанды сынаған және қарарда осы Кенжебек Әбішевтің де аты аталған.