Қазақ хандығының 550 жылдығына орай 29 сәуір күні Қарағанды қаласында Думан Рамазанның «Ұлы арман» (Абылайдың арманы) спектаклінің премьерасы өтті. Сәкен Сейфуллин атындағы Қарағанды облыстық қазақ драма театрының режиссері Айбек Қырықбаев: «Тарихи драма Абылай ханның 18-ғасырда Қытай, Ресей және Қоқан қыспағы арасынан қазақ елін сақтап, аман алып қалуға сіңірген еңбегіне арналған» дейді. Қарағанды жастары премьерадан соң «тарихтан мағлұмат алғандарын» айтты. Қарағанды, 29 сәуір 2015 жыл.