Жалғамыс ауылының ондаған тұрғыны электр қуаты бағасының қымбаттауына наразылық білдіріп жол бойына шықты. Олар бұған дейін әр киловатына 23,5 теңгеден төлеп келген электр энергиясының бағасы жаңа жылдан бастап 28 теңге болып қымбаттаған. Қайнар ауылдық округі әкімдігінің өкілі жиналған жұртқа «көктемге дейін шыдай тұруға» кеңес берді. Талғар ауданы, Алматы облысы. 20 қаңтар 2015 жыл.