20 желтоқсанда Шымкентте екі қабатты, сегіз пәтерлі тұрғын үйде үлкен жарылыс болып, соңы өртке ұласқан. Адам шығыны жоқ. Бір тұрғын жарақат алып, дәрігер көмегіне жүгінген. 23 адам қауіпсіз жерге көшірілген. Үйдің астыңғы қабатындағы екі пәтер жарылып, орны ғана қалған. Үй қаусап, құлағалы тұр. Жергілікті билік өкілдері "бес отбасы - жатақханаға, үш отбасы туыстарының үйіне орналасқанын" айтты. Тұрғындар сөзіне қарағанда, маңайдағы құбырдан газ иісі шығып тұрғанына шамамен үш айдай болған. Қалалық төтенше жағдайлар басқармасы басшысының орынбасары Ерік Сарыбаевтың айтуынша, жарылыс себебін арнайы комиссия тексеруге кіріскен.
Шымкентте жарылған үй
1
Жарылыс болған үй.
2
Үйдің жарты бөлігі опырылған.
3
Оқиға орнында жүрген қалалық төтенше жағдайлар басқармасы басшысының орынбасары Ерік Сарыбаев. Оның айтуынша, жарылыс себебін мемлекеттік және тәуелсіз комиссия тексеруге кіріскен.
4
Тұрғындардың далаға шығарылған киім-кешектері.
5
Жарылыс болған үйдің маңында жүрген төтенше жағдайлар жөніндегі басқарма мамандары.
6
Үйдің қазіргі қалпы.
7
Өртенген пәтердің бірі. Шымкент, 21 желтоқсан 2014 жыл.
8
Жарылған үйдің бір жақ беті. Шымкент, 21 желтоқсан 2014 жыл.
9
Жарылған үйдің екінші қабатындағы пәтер.
10
Тұрғындар өрттен аман қалған мүліктерін көлікке тиеп жатыр. Шымкент, 21 желтоқсан 2014 жыл.
11
Мүліктерін көшіріп жүрген жұрт.
12
Тұрғындардың сыртқа шығарылған мүліктері. Шымкент, 21 желтоқсан 2014 жыл.
13
Арнайы құрылған комиссия мүшелері жарылыс болған үй тұрғындарының тізімін жасап жатыр. Шымкент, 21 желтоқсан 2014 жыл.